Ресей "Хабаровск" атом сүңгуір қайығын теңізге түсірді

Ресейдің Северодвинск портында "Хабаровск" атом сүңгуір қайығы ресми түрде теңізге түсірілді. Бұл туралы елдің қорғаныс министрлігі хабарлады.

Мәлімдемеде атап өтілгендей, бұл сүңгуір қайық арнайы қару-жарақ пен роботтандырылған жүйелерді тасымалдауға қабілетті және Ресейдің әлемдік мұхиттағы мүдделерін қорғау міндеттерін тиімді орындай алады.

Еске сала кетейік, бұған дейін Ресей президенті Владимир Путин ядролық қозғалтқышпен жабдықталған "Буревестник" қанатты зымыраны мен ядролық қуат жүйесі бар "Посейдон" су асты қаруы сәтті сынақтан өткенін мәлімдеген еді.