Жапонияда 7 баллдық жер сілкінісі болды

Жапонияның солтүстік-шығысында 9 ноябрьде 6,9 магнитудалы жер сілкінісі тіркелді, деп хабарлады Kyodo News. Сейсмикалық құбылыс Санрику жағалауынан 16 км тереңдікте жергілікті уақыт бойынша сағат 17:03-те болған.

Жапонияның метеорологиялық агенттігі Иватэ префектурасына 1 метрге дейінгі цунами қаупі туралы ескерту жасады. Иватэ мен Мияги аймақтарында жер сілкінісінің күші 4 балл деңгейінде сезілді, үлкен залал немесе зардап шеккендер туралы хабар жоқ.

Кудзи мен Офунато қалаларында 20 см, Мияко мен Камайишида 10 см биіктікте цунами толқындары байқалды. Тохоку жүрдек пойыздарының қозғалысы уақытша тоқтатылды, кейінірек қалпына келтірілді.

Мамандар халықты сақ болуға және сейсмикалық қауіпсіздік ережелерін сақтауға шақырды.