Қытай Газаға 100 миллион доллар бөлді: көмек ресми түрде расталды

Қытай Президенті Си Цзиньпин Бейжіңде Франция басшысы Эммануэль Макронмен өткен кездесуден кейін Газа секторына ірі қаржылық көмек бөлінетінін жариялады. Оған сәйкес, Бейжің палестиналықтарға гуманитарлық дағдарысты жеңілдету және қираған инфрақұрылымды қалпына келтіру мақсатында 100 миллион доллар бағыттайды. Ресми мәлімет бойынша, аталған қаражат ең алдымен шұғыл көмекті жеткізуге, гуманитарлық ресурстарды ұсынуға және қайта қалпына келтіру жұмыстарын қаржыландыруға жұмсалады. Кездесу барысында екі ел басшылары өңірдегі бейбітшілікті, тұрақтылықты және өзара ынтымақтастықты нығайту туралы пікір алмасты.