Түркияның ірі құрылыс компанияларының бірі Ыстанбұл халықаралық әуежайындағы құрылыс алаңдарында жұмыс істеу үшін Өзбекстан азаматтарынан құралған топты жұмысқа қабылдайды. Жұмыс беруші қызметкерлерді көлікпен қамтамасыз етеді, тұратын жері мен күніне үш мезгіл тамақты ұйымдастырады, сондай-ақ арнайы киім және жеке қорғаныс құралдарын береді. Бұдан бөлек, Түркияда ресми жұмыс істеуге рұқсатты рәсімдеп береді. Бұл туралы podrobno.uz хабарлайды. хабарлайды .
«Дунё» мәліметінше, бастама Өзбекстанның Ыстанбұлдағы Бас консулдығы мен ADS Hukuk консалтинг компаниясы арасындағы келіссөздер нәтижесінде пайда болған. Келісім Түркияның жетекші компанияларының бірі — Kalyon Insaat Sanayi Ve Ticaret A.Sh. компаниясымен жасалды. Компания көп жылдан бері құрылыс, энергетика және көлік бағыттарында ірі жобаларды жүзеге асырып келеді.
Алдағы уақытта бағдарламаның ауқымын кеңейту және құрылыс үдерісіне қосымша қызметкерлерді іріктеу жоспарланған.
Сонымен қатар, Өзбекстанда шетелде жұмыс істеуге кадрлар даярлау бойынша жобалар да іске қосылуда. Атап айтқанда, Ташкентте Әбу Әли ибн Сина атындағы техникум базасында Германия медициналық академиясы ашылды. Ағымдағы оқу жылында мұнда Германия клиникаларында жұмыс істеу мүмкіндігіне ие болатын 750 мейірбике және орта буын медицина қызметкерлері даярланады.
“Zamin”-ді Telegram-нан оқыңыз!
