Иран 57 мұсылман елін біріктіретін «Ислам НАТО-сын» құруды ұсынды

Иран 57 мұсылман елін біріктіретін «Ислам НАТО-сын» құру бастамасын көтерді. Бұл туралы Iran International хабарлады.

Мәліметтерге сәйкес, бұл ұсынысты Иран Ішкі істер министрінің арнайы көмекшісі білдірді. Ол мұсылман елдері бірыңғай одақ аясында біріксе, үлкен саяси және әскери күшке айнала алатынын атап өтті.

Бастама авторының айтуынша, мұндай бірлестік энергетикалық ресурстар, экономикалық мүмкіндіктер және стратегиялық бағыттар арқылы ықпал ету күшін арттырады. Атап айтқанда, Ормуз бұғазын бақылау бұл одақтың маңызды факторларының бірі ретінде аталды.

Әзірге басқа мұсылман елдерінің бұл ұсынысқа ресми жауап бергені белгісіз.