Centrum Air әуекомпаниясы Ташкент — Гуанчжоу — Ташкент бағытындағы рейстің мәжбүрлі түрде кешіктірілгенін хабарлады. Бұған алдыңғы рейсті орындаған әуе кемесіне ұшу кезінде найзағай соғуы себеп болды. Бұл туралы Uzdaily.uz хабарлайды .
Авиациялық қауіпсіздік стандарттарына сәйкес, ұшақ дереу пайдаланудан шығарылды. Мамандар толық техникалық тексеру, диагностика және қажетті қалпына келтіру жұмыстарын жүргізді. Тексеру нәтижелері бойынша компания қауіпсіздікті қамтамасыз ету мақсатында бұл бағытта басқа әуе кемесін пайдалану туралы шешім қабылдады.
Бұл өзгерістер 16 мамырда орындалуы тиіс қайту рейсінің кешігуіне әкелді. Әуекомпанияның мәліметінше, күту кезінде жолаушылар қонақүйге орналастырылып, үш мезгіл ыстық тамақпен қамтамасыз етілді.
Жаңа кестеге сәйкес, рейстің Гуанчжоудан ұшуы 18 мамыр күні жергілікті уақытпен сағат 20:25-ке белгіленді. Ұшақтың Ташкентке келуі 19 мамыр күні сағат 00:50-ге жоспарланған.
“Zamin”-ді Telegram-нан оқыңыз!
