Ledger компаниясы ADI Foundation әзірлеген ADI Chain желісінің $ADI токенін өз жүйесіне интеграциялады. Біріккен Араб Әмірліктерімен (БАӘ) байланысты бұл Layer-2 желісі негізінен стейблкоиндер мен нақты активтерді токенизациялауға (RWA) маманданған. ADI Chain жобасы Абу-Дабиде орналасқан Sirius International Holding тарапынан қолдау табады және First Abu Dhabi Bank-пен бірлесе отырып, DDSC стейблкоин экожүйесін дамытуда. Бұл туралы Cointelegraph.com хабарлайды .
Компания деректеріне сәйкес, бұл желі трансшекаралық төлемдер, қазынашылық операциялар және сауда есеп айырысулары сияқты институционалдық мақсаттарға арналған. Жаңа интеграция пайдаланушыларға $ADI токендерін Ledger Wallet және аппараттық әмияндар арқылы қауіпсіз сақтауға және басқаруға мүмкіндік береді. ADI Foundation бұл желіні реттелетін стейблкоиндер үшін инфрақұрылым ретінде сипаттап, $ADI токенінің желі ішіндегі газ төлемдері үшін пайдаланылатынын атап өтті.
Жақында International Holding Company 110 миллион дирхам (шамамен 30 миллион USD) көлеміндегі DDSC аударымын жүзеге асырды. Бұл БАӘ тарихындағы ең ірі ашық стейблкоин транзакцияларының бірі ретінде тіркелді. Қазіргі уақытта нарықта АҚШ долларымен қамтамасыз етілген стейблкоиндер басым болғанымен, Dune Analytics есебіне сәйкес, доллардан тыс басқа валюталардағы стейблкоин нарығының 80 пайыздан астамы EUR үлесіне тиесілі.
Еуропалық Одақта MiCA (Markets in Crypto-Assets Regulation) ережелерінің енгізілуі крипто активтер үшін ресми негіз қалады. Алайда, Blockchain for Europe сарапшылары MiCA ережелері EUR стейблкоиндерін қауіпсіз еткенімен, олардың USD баламаларына қарағанда бәсекеге қабілеттілігін төмендеткенін айтады. Қазіргі уақытта еуро стейблкоиндері жаһандық көлемнің 1 пайызынан азын құрайды.
Соған қарамастан, еуропалық институттар жергілікті валютадағы стейблкоин инфрақұрылымын дамытуды жалғастыруда. Мысалы, Qivalis консорциумы 15 елден 25 банкті өз қатарына қосып, мүшелерінің санын 37-ге жеткізді. Бұл бастама АҚШ долларына тәуелді емес, реттелетін еуро стейблкоин баламасын құруды көздейді.
“Zamin”-ді Telegram-нан оқыңыз!
