Жүрек тебірентерлік сәт: Алишер Файз жанкүйеріне жасаған тосынсыйымен желіде қошеметке бөленді

Әнші Алишер Файздың жанкүйеріне жасаған шынайы тосынсыйы әлеуметтік желілерде қызу талқылануда. Тараған видеоларда өнер иесінің жалғыз тұратын қарияны іздеп барғаны бейнеленген.

Белгілі болғандай, қария Алишер Файзды қатты жақсы көретінін, оның әндері мен өмір салтын құрметтейтінін айтқан еді. Бұл сөздерден хабардар болған әнші күтпеген жерден гүл шоқтарымен келіп, жанкүйеріне қуаныш сыйлады.

Видеолардан қарияның әншіні толқыныспен және қуанышпен қарсы алғанын көруге болады. Алишер Файз болса шынайы әңгімесі мен жылы қарым-қатынасымен жанкүйерінің көңілін көтерді.

Әлеуметтік желі қолданушылары әншінің бұл ісін жылы қабылдап, оған алғыс пен құрмет білдірген пікірлер жазуда.