Шахрам Ғиясов алғашқы жеңілісінен кейін жанкүйерлеріне үндеу жасады

Өзбекстандық кәсіпқой боксшы Шахрам Ғиясов жартылай орта салмақтағы WBA Regular чемпиондық белбеуі үшін өткен жекпе-жекте британдық Джек Кэттераллға есе жіберді. Бұл кездесу Ғиясовтың мансабындағы алғашқы жеңіліс ретінде тіркелді.

Жекпе-жектен кейін боксшы әлеуметтік желі арқылы жанкүйерлеріне үндеу жолдады. Ол қысқа да нұсқа, шынайы хабарламасымен қолдау көрсеткендерге алғысын білдірді.

«Не болса да, Альхамдулиллях. Баршаңызға үлкен рақмет. Біз мықты болып ораламыз», — деп жазды Шахрам Ғиясов.

Жанкүйерлер мен спорт сүйер қауым боксшыны қолдап, жеңілістің спорттың бір бөлігі екенін атап өтуде. Әлеуметтік желілерде Ғиясовтың одан да мықты болып оралатынына сенім білдірген пікірлер көптеп жазылуда.