Педри жарақат алды және дисквалификацияланды

Өткен демалыс күндері «Барселона» сырт алаңда «Реалға» 1:2 есебімен жеңілді. «Эль-Класиконың» соңғы минуттарында «көк-анар түстілердің» жартылай қорғаушысы Педри екінші сары қағазын алып, алаңнан қуылды.

Осы жағдайға байланысты 22 жастағы футболшы Ла Лига аясындағы келесі ойынды дисквалификацияға байланысты өткізіп жібереді. Бұдан бөлек, АRA басылымының хабарлауынша, Педри бұлшықет жарақатын алған және осы себептен сәрсенбі күні қалпына келтіру бағдарламасы бойынша спорт залында жаттыққан.

Жартылай қорғаушының «Элче»-ге қарсы ойыннан бөлек, Чемпиондар лигасындағы «Брюгге» және Ла Лигадағы «Сельтаға» қарсы кездесулерді де өткізіп жіберуі мүмкін деп күтілуде.