Антонио Конте — А сериясының үздік бапкері

Италияның А сериясы ойыншылары өткен маусымның ең үздік жаттықтырушысын анықтады. Бұл атақ «Наполи» бас бапкері Антонио Контеге берілді.

Бұл туралы Sky Sport хабарлады. Антонио Конте 2024 жылдың жазында «Наполиді» басқаруға кірісті және алғашқы маусымында-ақ команданы чемпиондыққа жеткізді.

2024/25 жылғы Италия чемпионатының қорытынды нәтижелері бойынша, неаполитандықтар 38 ойыннан 82 ұпай жинап, бірінші орынға ие болды. Екінші орын иемденген «Интерден» небәрі бір ұпай алда тұрды.

Сондай-ақ, «Наполи» маусым бойында тек 27 гол жіберіп, лиганың ең мықты қорғанысын көрсетті. Ал ағымдағы маусымда Контенің шәкірттері 13 турдан кейін 28 ұпаймен турнир кестесінде екінші орында келе жатыр.