Сафонов бір жарым жылда ПСЖ құрамында алты трофей жеңіп алды

Дарбазашы Матвей Сафонов Құрлықаралық кубок финалында ойыннан кейінгі пенальти сериясында басты қаһарман атанды. Ресейлік қақпашы төрт соққыны қайтарып, ПСЖ-ның “Фламенгодан” басым түсіп, кубокты жеңіп алуына көмектесті.

Осылайша, Сафонов ПСЖ құрамында жеңіп алған жүлделер санын алтыға жеткізді. Ол Франция чемпионаты, Франция кубогы мен Франция Суперкубогының жеңімпазы атанған, сондай-ақ Чемпиондар лигасы мен УЕФА Суперкубогын да жеңген.

Енді ол Құрлықаралық кубокты да иеленді. Белгілі болғандай, Матвей Сафонов 2024 жылғы жазда “Краснодардан” ауысқаннан кейін ПСЖ сапында өнер көрсете бастаған.