"Манчестер Юнайтед" "Атлетико" жартылай қорғаушысы Барриоспен келісім жасамақ

"Манчестер Юнайтед" Мадридтік "Атлетико" клубының жартылай қорғаушысы Пабло Барриосты сатып алуға қызығушылық танытуда. Бұл туралы TEAMtalk журналисі Дин Джонс хабарлады.

Дереккөзге сәйкес, "қызыл шайтандар" қысқы трансфер кезеңінде жартылай қорғау шебін нығайтуды жоспарлап отыр. Барриостың трансферіне "Манчестер Юнайтед" клубының бас бапкері Рубен Аморим жеке қызығушылық танытуда.

Португалиялық маман аргентиналық футболшының талантын жоғары бағалайды. "Манчестер Юнайтед" ұзақ мерзімді жоспарларын іске асыру үшін ойыншыларды сатып алуды мақсат еткен.

Пабло Барриос — "Атлетико" клубының түлегі. Оның "матрасшылармен" келісімшарты 2030 жылдың 30 маусымына дейін жарамды.

Ағымдағы маусымда жартылай қорғаушы Мадрид клубы сапында 27 ойынға қатысып, 3 гол соғып, 1 нәтижелі пас берген.