«Марсель» бапкері Артетаның шәкіртін қосалқы құрамға қадап қойды

"Марсель" бас бапкері Хабиб Бейе "Арсенал" клубынан жалға алынған жартылай қорғаушы Этан Нванериге ашық ескерту жасады. Бапкер 19 жастағы футболшының күнделікті жаттығулардағы ынтасы мен жауапкершілігіне көңілі толмайтынын айтты.

Бұл туралы Goal.com хабар береді.

"Марсель" құрамында жарақаттарға байланысты күрделі мәселе туындағанына қарамастан, Нванери "Ниццаға" қарсы ойында қосалқы құрамда қалды. Бейе жаттығу барысында өзін көрсеткен және көбірек еңбек етіп жүрген футболшыларға сенім артатынын атап өтті.

Француз клубының бапкері жас дарыннан өзімен жұмыс істеуді және командаға адалдығын арттыруды талап етіп отыр. Әйтпесе, футболшы маусымның қалған бөлігінде де ойын тәжірибесінсіз қалуы мүмкін.