«Реал Мадрид» бас бапкері Альваро Арбелоа Ла Лига аясында «Алавес» үстінен қазанған жеңістен кейін шабуылшы Винисиус Жуниорды қорғап сөйледі. Бразилиялық футболшы «Сантьяго Бернабеу» стадионындағы ауыр атмосфераға қарамастан, командасына маңызды үш ұпай сыйлаған голдың авторы атанды.
Бұл туралы Goal.com хабарлайды.
Чемпиондар лигасынан шығып қалғанына наразы болған жанкүйерлер ойын басында Винисиус пен оның командаластарын ысқырықпен қарсы алды. Алайда шабуылшы екінші таймда алыс қашықтықтан дәл соққы бағыттап, сыншыларға лайықты жауап қайтарды.
Арбелоа оның рухани күші мен қиын сәттерде жауапкершілікті өз мойнына алуын жоғары бағалады.
Кездесу барысында жартылай қорғаушы Эдуардо Камавинга да жанкүйерлердің қысымына тап болды. «Бавариямен» ойында алаңнан қуылған франциялық футболшы қосалқы құрамнан алаңға шыққанда, жанкүйерлер оны наразылықпен қарсы алды.
Бапкер Камавинганың да шеберлігі мен тәжірибесі жақын арада қайта көрінетініне сенім білдірді.
«Реал Мадрид» осы жеңістен кейін турнир кестесінде «Барселонамен» арадағы айырмашылықты алты ұпайға дейін қысқартты. Ойын барысында Килиан Мбаппе де өз еншісіне гол жазды.
Алайда жеңіс шығынсыз болған жоқ: қорғаушы Эдер Милитао жарақатына байланысты бірінші тайм аяқталмай жатып алаңнан шығуға мәжбүр болды.
“Zamin”-ді Telegram-нан оқыңыз!
