Салах бірнеше күннен кейін жаңа клубын жариялайды

«Ливерпуль» командасының аңызға айналған шабуылшысы Мохамед Салах мансабын қай клубта жалғастыратыны туралы сауалдарға жақын арада нүкте қояды. Мысыр құрамасы қызметкерінің айтуынша, футболшы бірнеше күннен кейін жаңа командасының атауын ресми түрде жариялайды.

Бұл туралы Goal.com хабарлайды.

Мысырлық жұлдыз жақында Мерсисайд клубындағы тоғыз жылдық қызметінен кейін, осы маусым соңында «Энфилдтен» кететінін растаған болатын. Оның қазіргі келісімшарты жазда аяқталады және ол еркін агент ретінде басқа командаға ауысу құқығына ие болады.

Салахқа деген қызығушылық өте жоғары, оның қызметіне бірқатар беделді клубтар үміткер болып отыр. Футболшы өз болашағына қатысты түпкілікті шешім қабылдап қойған және бұл туралы жұртшылыққа жақын арада мәлімдейді деп күтілуде.