«Бавария» бас бапкері Дэвистің жарақатынан айыққанын мәлімдеді

«Бавария» бас бапкері Венсан Компани қорғаушы Альфонсо Дэвистің жарақатынан айыққанын растады. Бұл туралы Goal.com хабарлайды.

Дэвис Чемпиондар лигасы аясында «ПСЖ»-ға қарсы өткен кездесудің үзілісінде алмастырылған болатын. Бапкердің айтуынша, футболшы сақтық шарасы ретінде жеке жаттығу жасаған, алайда тез арада жалпы топқа қайта қосылды.

Сондай-ақ, бұлшықет жарақатына байланысты соңғы бес ойынды өткізіп алған 20 жастағы Том Бишоф та сапқа оралады деп күтілуде. Тағы бір жарақат алған футболшы Леннарт Карл алдағы бәсекені өткізіп алады.

Компани «Хайденхайм»-ға қарсы кездесуде қосалқы қақпашы Йонас Урбиг негізгі құрамда алаңға шығатынын мәлімдеді. Клубтың спорттық директоры Кристоф Фройнд болса, Мануэль Нойермен жаңа келісімшарт бойынша келіссөздер жалғасып жатқанын білдірді.