Чемпиондар лигасының жартылай финалында Arsenal командасына жол берген Atletico Madrid бас бапкері Diego Simeone даулы жағдайдың ортасында қалды. Лондондағы қарымта кездесуден кейін алаңнан шығып бара жатқан аргентиналық маман туннельдегі Arsenal клубының эмблемасын басып өтті. Бұл туралы Goal.com хабарлайды .
Бұл оқиға жанкүйерлер мен әлеуметтік желі қолданушылары тарапынан қатаң сынға алынды. Мәселе мынада, бір апта бұрын Испанияда өткен алғашқы ойыннан кейін Diego Simeone дәл осы әрекеті үшін Arsenal қорғаушысы Ben White-пен жанжалдасып қалған болатын. Ол кезде бапкер ағылшын футболшысының қылығын сыйламаушылық деп атап, оған қатысты агрессивті пікір білдірген еді.
Бақылаушылар Diego Simeone-нің өзі айыптаған істі көп ұзамай қайталағанын екіжүзділік деп бағалауда. Бейнежазбаларда бапкермен бірге қорғаушы Jose María Gimenez-дің де эмблеманы басып өткені көрінеді.
Arsenal бас бапкері Mikel Arteta өз командасының тарихи жеңісіне қуанышты екенін білдіріп, футболшыларының сенімі мен рухы жоғары екенін атап өтті. Лондондықтар енді Premier League және Чемпиондар лигасының жеңімпазы атану үшін күресті жалғастыруда.
Arsenal маусым соңында маңызды ойындар өткізеді. Команда алда West Ham, Burnley және Crystal Palace сияқты қарсыластармен кездескеннен кейін, Будапештте өтетін Чемпиондар лигасының финалында PSG командасына қарсы шығады.
“Zamin”-ді Telegram-нан оқыңыз!
