— U paydo bo‘ldi-yu, yana eski xotiralar kino tasmasidek ko‘z oldimdan o‘ta boshladi. O‘sha menga «Siz ajoyib qizsiz!» deguvchi yoqimli ovoz, kulib qarovchi ko‘zlar… Shu on yuragimda simillagan og‘riq turdi. Uni juda-juda sog‘inganimni his etdim, bir bora bo‘lsa ham suratiga termilib, xayolan suhbatlashish umidi yana paydo bo‘ldi. Ko‘zimda yosh aylanib, qaltiroq qo‘llarim kompyuterim xotirasidan o‘sha eski suratni qidira boshladi.
Eh… Axir yarim yil burun yurak yig‘lagan o‘sha kunda jahl bilan suratni o‘chirib yuborgan edim-ku! Yuragim «Bekor o‘chirgan ekansan, hech bo‘lmasa, suratiga qarab sog‘inching alamini bosarding», deya pichirladi. Shu so‘zlar ila o‘zimni-o‘zim aldayman. Ammo aqlim «Sen g‘irt ahmoqsan, axir endi u oilali, sevgan yori va sevimli ishi bilan band, biror marta bo‘lsa ham seni eslamaydi-ku. Nega o‘zingni buncha qiynaysan?» degan qahrli so‘zlarni qulog‘im ostida baralla aytadi…
Hozir ushbu satrlarni o‘qib, xayolingizda «Bir qiz bilan sevishib, boshqasiga uylanib ketgan ekan-da», deb o‘ylagan bo‘lsangiz, ajab emas. Yo‘q, yo‘q… Bizning o‘rtamizda kitoblardagi, kinolardagi muhabbat bo‘lmagan, hatto do‘stlik ham… Bizni shunchaki ish yuzasidan tanishlar desa to‘g‘riroq bo‘lardi. Ming afsuski… hammasi shunday munosabat bilan boshlanib, aynan shu munosabat bilan yakun topdi.
MALIKA
Manba: Hordiq.uz “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
OAV: Markaziy Osiyo davlatlari dronlar bilan qurollanmoqda
Prezident Mirziyoyev Moskva paradidagi ishtirokidan so‘ng Toshkentga qaytdi
O‘zbekiston muftiysiga yangi o‘rinbosar tayinlandi
Erdo‘g‘on: “Amaldagi konstitutsiya Turkiyaning demokratik tamoyillariga to‘g‘ri kelmaydi”
Si Szinpin Makronni omma oldida e’tibordan chetda qoldirdi
Ijtimoiy-gumanitar yo‘nalishlarda kvotalar qisqartiriladi
TikTok AQSH hukumatini sudga berdi
AQSH elchisi: “O‘zbekiston prezidenti aql bovar qilmaydigan ishlarni amalga oshirdi”