Quvayt Xotin-qizlar jamiyati raisi o‘rinbosari: "Shavkat Mirziyoyev BMTning 78-sessiyasida Osiyo xotin-qizlar forumini O‘zbekistonda o‘tkazish tashabbusi bilan chiqqan"

Joriy yilning 13-14 may kunlari Samarqand shahrida "Xotin-qizlarning iqtisodiy, ijtimoiy va siyosiy huquq hamda imkoniyatlarini kengaytirish masalalariga mintaqaviy yondashuv" mavzusida Osiyo xotin-qizlari forumi bo‘lib o‘tadi.

Quvayt Xotin-qizlar jamiyati raisi o‘rinbosari, xotin-qizlar jamiyatlari uyushmasi Boshqaruv kengashi a’zosi Dr. Hiyla Hammad al-Makaimi O‘zbekistonda bo‘lib o‘tadigan mazkur forum haqida o‘z fikr-mulohazalari bilan o‘rtoqlashdi.

- "Prezident Shavkat Mirziyoyev BMTning 78-sessiyasida Osiyo xotin-qizlar forumini O‘zbekistonda o‘tkazish tashabbusi bilan chiqqan. Ushbu forumning asosiy maqsadi ayollarning imkoniyatlarini iqtisodiy darajada kengaytirish, shuningdek, seminarlar yoki ta’lim va treninglar orqali uning imkoniyatlarini oshirishdir.

Ushbu forumda tajriba almashishdan boshlab, gender tengligi, ayollar va bolalarga nisbatan kamsitishning barcha shakllariga barham berish kabi ayollar huquqlarini kengaytirishga bag‘ishlangan ayrim sessiyalar mavjud.

Quvayt Xotin-qizlar uyushmasi uchun ushbu konferensiyada ishtirok etish juda muhim. Mazkur ittifoqning asosiy maqsadi va asosiy yo‘nalishi Quvayt ayollari va ularning ishlari va yutuqlarini xalqaro miqyosda namoyish etishdir.

Bu turdagi xalqaro faoliyatga e’tibor qaratish ayollar uchun, Quvayt ayollari uchun tajriba almashish va xalqaro tarmog‘ini kuchaytirish uchun muhim vosita va muhim imkoniyat bo‘ladi", - deydi Dr. Hiyla Hammad al-Makaimi. “Zamin” yangiliklarini “Instagram”da kuzatib boring