"Астон Вилла" ўз майдонида "Манчестер Юнайтед"ни 2:1 ҳисобига мағлубиятга учратди. Англия Премер-лигасининг 17-тур учрашувида мезбонлар ғалабали сериясини давом эттириб, чемпионлик пойгасидаги суръатни сақлаб қолишди.
Меҳмонлар эса тезкор жавобга қарамай, яна очкосиз қолди. Дастлаб "Астон Вилла" ҳисобни танаффусга яқин очди. Морган Роджерс жарима майдонига кириб, узоқ бурчакни аниқ нишонга олди.
Бироқ "қизил иблислар" тезда ҳисобни тенглаштиришди. Матеус Куня Эмилиано Мартинес билан бирга-бир вазиятда гол уриб, рақиб дарвозасига тўпни ошириб юборди. Шундан сўнг ўйин янада кескинлашди ва хавфли вазиятлар кўпайди.
Иккинчи бўлимда мезбонлар прессингни кучайтиришди. 58-дақиқада Роджерс дублга эришди. У жарима майдони бурчагида тўпни ўз назоратига олиб, юқори бурчакка зарба берди.
Шундан кейин "Юнайтед" ҳужумларни кучайтириб, узоқ узатмалар ва стандарт вазиятлар билан босим ўтказди, лекин "Астон Вилла" ҳимояда мустаҳкам турди.
Шу билан бирга, ҳакам жарима майдонидаги қўл эпизодига пенальти бермади. Учрашув охирларида ҳакам бир нечта сариқ карточка кўрсатди.
Угарте Камарга нисбатан қўпол ўйнади, кейинчалик эса Богард Доргуни тўхтатишда қоидани бузди. Шунингдек, биринчи бўлимда Мартинеснинг жароҳати сабаб ўйин бир муддат тўхтатилди.
АПЛ. 17-тур
Астон Вилла – Манчестер Юнайтед 2:1
Голлар: Рожерс 45, 58 – Куня 45+3
Астон Вилла – Мартинес, Кэш, Конса, Линделёф, Маатсен (Дин, 75), Камара, Онана, Макгинн, Тилеманс, Рожерс, Уоткинс (Мален, 75)
Манчестер Юнайтед – Ламменс, Далот, Йоро, Ҳевен, Шоу, Далот, Угарде (Зиркзее, 73), Фернандеш (Мартинес, 46), Доргу, Куня, Моунт, Шешко (Флетчер, 73)
Огоҳлантиришлар: Угарте 69, Далот 72
Меҳмон гуруҳидаги фойдаланувчилар ушбу мақолага изоҳ қолдира олмайди.
