Аргентина клуби «Бока Хуниорс» янги спорт директорини расман эълон қилди — бу лавозимни Марсело Делгадо эгаллади. У клуб президенти Хуан Рикелме билан яқин ҳамкорликда ишлайди. Жамоага тезкор кучайтиришлар зарур бўлиб турган бир пайтда, янги тандем трансферлар ва таркиб масалаларида фаол иш олиб бориши кутилмоқда. Бу ҳақда euro-football.ru хабар беради.
Делгадо футболчилик фаолиятида ҳам катта тажрибага эга: у Аргентина терма жамоасида 1995–2002 йиллар оралиғида 18 та ўйинда майдонга тушган ва 1998 йилги жаҳон чемпионатида ҳам иштирок этган. 2003 йилда эса у Либертадорес Кубогининг энг яхши тўпурари бўлган — бу кўрсаткични «Сантос» ҳужумчиси, бразилиялик Рикардо Оливейра билан бўлишиб олган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
