Ижтимоий тармоқларда The Athletic нашри тузган футбол тарихидаги 100 нафар энг яхши ўйинчи рейтинги кенг муҳокамага сабаб бўлмоқда. Бу ҳақда euro-football.ru хабар беради.
Рўйхатнинг илк ўнлигида Лионел Месси биринчи, Диего Марадона иккинчи ўринда қайд этилган. Кучли учликни эса уч карра жаҳон чемпиони Пеле якунлаб берган. Шунингдек, топ-10 талқинида кейинги поғоналарни Йоханн Кройф, Криштиану Роналду, Альфредо Ди Стефано, Франс Беккенбауэр, Зинедин Зидан, Ференц Пушкаш ва Мишель Платини эгаллаган.
Бундай рейтингларни мутлақо холис тузиш қийинлиги таъкидланар экан, Reddit'даги футбол ишқибозлари изоҳларда кескин баҳсларга киришди. Айримлар Пеленинг атиги учинчи ўринга қўйилгани, у уч марта мундиалда ғолиб чиққанини эслатиб, рўйхат билан рози бўлмаган.
Қайд этилишича, дарвозабонлар орасида афсонага айланган Лев Яшин ушбу рейтингда 18-поғонадан жой олган.
“Zamin”ни Telegram'да ўқинг!
