Португалия терма жамоаси бош мураббийи Роберто Мартинес Криштиану Роналду қачон футболчилик фаолиятини тугатиши мумкинлиги ҳақидаги саволга муносабат билдирди. Бу ҳақда euro-football.ru хабар беради.
Февраль бошида 41 ёшни қарши олган Роналду ҳамон юқори спорт формасида экани таъкидланди. Мартинеснинг айтишича, ҳужумчининг жисмоний кўрсаткичлари унга яна узоқ вақт майдонда қолиш имконини беради.
«Унинг жисмоний ҳолати яна, яна ва яна ўйнашга етади. Менимча, масала у қачон ўзи бунинг учун тўғри вақт келди, деб ҳис қилишида. У жуда ўзига талабчан футболчи. Қачонки жамоага энди фойда бера олмаётганини англаб етса, ўшанда тўхташ ҳақида қарор қабул қилади», — деди Мартинес BBCга берган интервьюсида.
Клуб миқёсида Роналду «Ал-Наср» шарафини ҳимоя қилмоқда. Манбаларга кўра, шанба куни у бойкотдан кейин яна жамоа қайдномасига қайтиши кутилмоқда. Роналду клуб бошқарувидаги айрим қарорлардан норози бўлиб, бир неча учрашувни ўтказиб юборган.
«Ал-Фатеҳ» — «Ал-Наср» учрашувини LiveResult сайтида матнли трансляция орқали кузатиш мумкин бўлади.
“Zamin”ни Telegram'да ўқинг!
