Португалия терма жамоаси бош мураббийи Роберто Мартинес Криштиану Роналду қачон футболчилик фаолиятини якунлаши ҳақидаги саволга муносабат билдирди. Бу ҳақда euro-football.ru хабар беради.
Февраль бошида 41 ёшни қарши олган Роналду ҳали ҳам юқори спорт формасида экани таъкидланди. Мартинеснинг айтишича, унинг жисмоний кўрсаткичлари яна узоқ вақт майдонда бўлишга етади.
«Унинг ҳолати шундайки, яна ўйнаши мумкин, яна ва яна. Менимча, масала кўпроқ қачон у ўзи бунинг учун тўғри вақт келганини ҳис қилади — шунда. У ўта талабчан ва ўзига нисбатан жуда танқидий футболчи. Жамоага фойда бера олмаётганини англаган пайти, қарорни ҳам ўзи қабул қилади», — деди Мартинес BBC билан суҳбатда.
Клуб миқёсида Роналду Саудия Арабистонининг «Ал-Наср» жамоаси шарафини ҳимоя қилмоқда. Маҳаллий ОАВ маълумотларига кўра, у шанба куни жамоа сафида яна майдонга қайтиши кутилмоқда.
Аввалроқ Роналду клуб бошқарувидан норози бўлиб, бир нечта учрашувларни ўтказиб юборгани айтилган эди. «Ал-Фатеҳ» — «Ал-Наср» учрашувини LiveResult’да матнли трансляция орқали кузатиш мумкин бўлади.
“Zamin”ни Telegram'да ўқинг!
