Португалия терма жамоаси бош мураббийи Роберто Мартинес Криштиану Роналду қачон футболчилик фаолиятига нуқта қўйиши мумкинлиги ҳақидаги саволга муносабат билдирди. Бу ҳақда euro-football.ru хабар беради.
Февраль бошида 41 ёшни қарши олган Роналду ҳақида Мартинес BBC билан суҳбатда унинг жисмоний кўрсаткичлари ҳануз майдонда узоқ қолишига етарли эканини таъкидлади.
Мураббий фикрича, асосий масала вақт эмас, балки футболчининг ўзи қачон тўғри паллани ҳис қилишидир. Мартинес Роналду жуда талабчан ва ўзига нисбатан кескин футболчи эканини, жамоага фойдаси камайганини сезса, қарорни ҳам ўзи қабул қилишини айтди.
Клуб миқёсида Роналду Саудия Арабистонининг «Ал-Наср» жамоаси шарафини ҳимоя қилмоқда. Хабарларга кўра, у клуб бошқарувидаги қарорлардан норози бўлиб бир неча ўйинни ўтказиб юборганидан сўнг, шанба куни яна таркибга қайтиши кутилмоқда.
«Ал-Фатех» — «Ал-Наср» учрашувини LiveResult сайтида матнли онлайн трансляция орқали кузатиш мумкин бўлади.
“Zamin”ни Telegram'да ўқинг!
