Россия терма жамоаси март ойида Малига қарши уй ўйинини ўтказади. Россия футбол иттифоқи (РФИ) бу учрашувни ҳали расман эълон қилмаган бўлса-да, малияликлар ўйин Краснодарда бўлиб ўтишини бир неча бор тасдиқлаган. Бу ҳақда euro-football.ru хабар беради.
Мали футбол федерацияси бош котиби Сиди Бекайе Sport24’га берган изоҳида жамоа Россияга тўлиқ таркибда келишини билдирди. Унинг сўзларига кўра, Биссума, Ниакате, Сангаре, Нене каби етакчилар ҳамда бошқа футболчилар тахминан 25–26 март кунлари Краснодарга етиб келиб, учрашув олдидан машғулот ўтказади.
Бекайе шунингдек, Россияга қарши ўртоқлик учрашувини ташкил этиш бўйича келишув унча қийинчиликcиз амалга ошганини қайд этди. Мали томони кучли рақиб билан майдонга тушишдан мамнун бўлишини таъкидлади.
Эслатиб ўтамиз, Россия терма жамоаси Европа ва жаҳон футбол ташкилотлари санкциялари туфайли ҳозирча фақат ўртоқлик учрашувларида иштирок этиши мумкин.
“Zamin”ни Telegram'да ўқинг!
