Белгиялик таниқли собиқ ҳимоячи Венсан Компани, ҳозирда “Бавария” бош мураббийи сифатида фаолият юритар экан, футболчилик давридаги энг қийин рақиблари ҳақида фикр билдирди. Бу ҳақда euro-football.ru хабар беради.
Компани энг катта таассурот қолдирган футболчи сифатида Бразилия юлдузи Роналдиньони тилга олди. У фаолияти давомида “ПСЖ”, “Барселона” ва “Милан”даги ўйинлари билан шуҳрат қозонган.
“Менга энг кучли таъсир қилгани — Роналдиньо. Албатта, Роналду ва Месси энг зўр футболчилар, аммо битта ўйиндаги таассурот ҳақида гапирсак, бу — Роналдиньо”, деди Компани мураккаб рақиблар ҳақидаги саволга жавоб берар экан.
Ма’лумот учун, собиқ марказий ҳимоячи 2020 йилда футболчиликни якунлаган. 2024 йил ёзидан буён у “Бавария”ни бошқармоқда ва жамоани ўтган мавсумда Бундеслига чемпионлигига олиб келган.
“Zamin”ни Telegram'да ўқинг!
