Belgiyalik taniqli sobiq himoyachi Vensan Kompani, hozirda “Bavariya” bosh murabbiyi sifatida faoliyat yuritar ekan, futbolchilik davridagi eng qiyin raqiblari haqida fikr bildirdi. Bu haqda euro-football.ru xabar beradi.
Kompani eng katta taassurot qoldirgan futbolchi sifatida Braziliya yulduzi Ronaldinyoni tilga oldi. U faoliyati davomida “PSJ”, “Barselona” va “Milan”dagi o'yinlari bilan shuhrat qozongan.
“Menga eng kuchli ta’sir qilgani — Ronaldinyo. Albatta, Ronaldu va Messi eng zo'r futbolchilar, ammo bitta o'yindagi taassurot haqida gapirsak, bu — Ronaldinyo”, dedi Kompani murakkab raqiblar haqidagi savolga javob berar ekan.
Ma’lumot uchun, sobiq markaziy himoyachi 2020 yilda futbolchilikni yakunlagan. 2024 yil yozidan buyon u “Bavariya”ni boshqarmoqda va jamoani o'tgan mavsumda Bundesliga chempionligiga olib kelgan.
“Zamin”ni Telegramʻda oʻqing!
