Аргентина гранд-клуби «Бока Хуниорс» спорт директори лавозимига Марсело Делгадони тайинлаганини маълум қилди. У клуб президенти Хуан Рикелме билан яқин ҳамкорликда ишлайди. Бу ҳақда euro-football.ru хабар беради.
Жамоа таркибини тез фурсатда кучайтиришга эҳтиёж сезмоқда. Шу сабаб Делгадо ва Рикелме дуэтининг асосий вазифаси қисқа муддат ичида керакли трансферлар ва ички селекция бўйича ечим топиш бўлади.
Делгадо футболчилик фаолиятида ҳам яхши танилган: у Аргентина терма жамоаси сафида 1995–2002 йилларда 18 ўйинда майдонга тушган, жумладан 1998 йилги жаҳон чемпионатида ҳам қатнашган.
2003 йилда эса у Либертадорес кубогининг энг яхши тўпурари бўлган — «Сантос» ҳужумчиси Рикардо Оливейра билан бирга турнирда энг кўп гол урган футболчи сифатида қайд этилган.
“Zamin”ни Telegram'да ўқинг!
