«Шанхай Шэнхуа» Осиё Чемпионлар лигасида етти тур якунлангач, плей-оффга чиқиш имкониятидан маҳрум бўлганди. 8-турда «Бурирам Юнайтед»га қарши баҳсда Леонид Слуцкий шогирдлари турнир билан муносиб хайрлашишга уринди, бироқ бунинг уддасидан чиқа олмади. Бу ҳақда euro-football.ru хабар беради.
Учрашув 0:2 ҳисобида якунланди. Таиланд клуби биринчи бўлимнинг дастлабки қисмидаёқ иккита гол уриб, ўйинни ўз назоратига олди: 11-дақиқада Гуд Кертис, 22-дақиқада эса Супханат Муеанта гол муаллифига айланди. Тез орада «Шанхай Шэнхуа» бир футболчисини йўқотиб, камчиликда қолиб кетди ва интрига амалда сўнди.
Қайд этилишича, Леонид Слуцкийнинг «Шанхай Шэнхуа» билан амалдаги шартномаси 2027 йил охиригача мўлжалланган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
