Февраль ўртасида Мануэл Нойер жароҳат олиб, «Бавария» асосий посбонисиз тахминан уч ҳафтага қолиши айтилганди. Бироқ дарвозабон тикланиш жараёнини тезлаштириб, режалаштирилганидан олдин сафга қайтиши эҳтимоли бор. Бу ҳақда euro-football.ru хабар беради.
Bild хабарига кўра, душанба куни Нойер дарвозабонлар мураббийи ва реабилитация бўйича мутахассис билан майдонда машғулот ўтказди. Ҳозирча у мураккаб юкламаларни бажараётгани йўқ, аммо тўп билан ишлагани тикланиш борасида ижобий силжишдан далолат беради.
Германияда Нойер 28-февраль, шанба куни Дортмунднинг «Боруссия»сига қарши учрашувнинг ўзида жамоага ёрдам бериб қолиши мумкинлиги муҳокама қилинмоқда. Агар шундай бўлса, бу «Бавария» учун ёқимли кутилмаган янгилик бўлади.
Бундеслигада «Бавария» пешқадамлик қилмоқда, иккинчи ўриндаги «Боруссия» эса мюнхенликлардан 8 очко орқада бормоқда.
“Zamin”ни Telegram'да ўқинг!
