Санкт-Петербургнинг «Зенит» клубида тўп сурган Павел Погребняк нидерландиялик мураббий Дик Адвокат Кюрасао терма жамоаси бошқарувидан кетгани ҳақида фикр билдирди. Мутахассис оилавий сабабларга кўра лавозимини тарк этди. Бу ҳақда euro-football.ru хабар беради.
Погребнякнинг айтишича, Адвокат кетганидан сўнг Кюрасао термасининг жаҳон чемпионатидаги иштирокига бўлган қизиқиши камайиб, деярли йўқолган. У мураббийнинг кетгани жуда ачинарли эканини ва бу хабар уни ранжитганини таъкидлади.
Эслатиб ўтамиз, Адвокат бошчилигида Кюрасао терма жамоаси тарихда илк бор жаҳон чемпионати йўлланмасини қўлга киритганди.
Нидерландиялик мураббий аввалроқ «Зенит» ҳамда Россия терма жамоасида ҳам ишлаган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
