Россия терма жамоасининг собиқ футболчиси Фёдор Кудряшов Туркияда тўп сураётган Георгий Жикиянинг ҳозирги аҳволи ҳақида фикр билдирди. Бу ҳақда euro-football.ru хабар беради.
Кудряшов «Антальяспор» марказий ҳимоячиси атрофидаги вазиятни мунтазам кузатиб боришини айтди. 32 ёшли футболчи сўнгги пайтларда майдонга тушмаяпти, агенти маълумотига кўра, жамоа бош мураббийи Жикияни оптимал спорт формасида эмас, деб ҳисоблайди.
«Қачон ўйнади, қачон ўйнамади — ҳаммасини кузатаман. Жуда хоҳлайман, у имкони қадар тезроқ асосий таркибга қайтсин. У билан боғландимми? Фақат клубга ўтаётган пайтимизда гаплашганмиз, кейин эса йўқ», — дея Кудряшов сўзларини Metaratings.ru келтирди.
Жикия 2025 йил ёзидан бери «Антальяспор» сафида ҳаракат қилмоқда. Жорий мавсумда «Спартак»нинг собиқ ўйинчиси 13 учрашувда қатнашиб, 2 та гол уришга ҳам улгурди.
“Zamin”ни Telegram'да ўқинг!
