«Бавария» ярим ҳимоячиси Йозуа Киммих Бундеслигада Дортмунднинг «Боруссия»сига қарши ўйиндан (3:2) сўнг учрашув ҳақида фикр билдирди. Бу ҳақда euro-football.ru хабар беради.
Мюнхенликлар танаффусга қадар минимал ҳисобда ортда қолган эди, бироқ 70-дақиқага келиб Гарри Кейннинг дублидан сўнг ҳисобда олдинга чиқиб олди. 83-дақиқада «асаларилар» мувозанатни тиклади, аммо кўп ўтмай меҳмонлар яна гол уриб, устунликни қўлдан чиқармади. Ғалаба тўпини эса Киммихнинг ўзи киритди.
«Бугун, айниқса биринчи бўлимда, жуда кўп жисмоний кураш ва хатолар бўлди. Ўйин ритми тез-тез бузилиб кетди. Иккинчи бўлимда эса футбол анча шиддатлироқ тус олди. Танаффусда биз «Боруссия» учун кейинроқ бундай темпни ушлаб туриш қийин бўлишини тушуниб турдик — Чемпионлар лигасидаги ўйинлар сабаб жадвал жуда зич. Охир-оқибат бизда устунлик пайдо бўлишини билардик ва, хайрият, бундан фойдалана олдик», — дея Киммихнинг сўзларини Bayern & Germany келтирди.
Ушбу ғалабадан сўнг «Бавария» турнир жадвалида «Боруссия»дан устунлигини 11 очкогача оширди.
“Zamin”ни Telegram'да ўқинг!
