Ukraina armiyasi Belarus bilan chegarada okoplar qazimoqda

^{Foto: AA}
Ukraina armiyasi Belarus bilan chegarada aprel oyida qurilgan istehkomlarni mustahkamlamoqda, dedi 16 yanvar, dushanba kuni qurilish maydonchasiga tashrif buyurgan NBC muxbiri. Uning so‘zlariga ko‘ra, Ukraina Qurolli kuchlari qo‘shma chegaradan besh daqiqalik masofada joylashgan o‘rmonda 1,5 metrli devorlarni taxtalar bilan mustahkamlamoqda, har bir necha metrda taxtalar o‘ziga xos boshpana - vaqtinchalik tom, kamuflyaj uchun novdalar va tuproq bilan qoplangan joyni tashkil qiladi.

Rossiya va Belarus o‘rtasida 16 yanvarda boshlangan qo‘shma harbiy mashg‘ulotlar fonida mustahkamlash ishlari olib borilmoqda. Mashg‘ulotlar davomida chegara bo‘ylab birgalikda patrullik qilish, qo‘shinlar guruhlarini havodan qo‘llab-quvvatlash va desantlarni tushirish amaliyoti o‘tkazilmoqda. NBC muxbiri Ukraina Qurolli kuchlari katta leytenanti Antonning so‘zlaridan iqtibos keltirgan. Uning fikricha, Rossiya armiyasining navbatdagi hujumi minglab kilometrlarga cho‘zilgan front chizig‘ining istalgan joyida sodir bo‘lishi mumkin.

«Biz bu istehkomlarni yashirin himoyalanish va qarshi hujumlarni amalga oshirish uchun barcha mas’uliyat sohalarida qurmoqdamiz. Belarusdan ehtimoliy hujum istalgan joydan boshlanishi mumkin», - dedi ukrainalik zobit.

Avvalroq, chegaradagi Rovno viloyati ma’muriyati rahbari Vitaliy Koval Belarus chegarasida istehkomlarni mustahkamlash haqida gapirgan edi. «Shimolda biz faol ravishda muhandislik va mustahkamlash binolarini qurmoqdamiz. Varash va Sarnen tumanlari aholisi birlashib, harbiylar uchun okop qazishda yordam berishmoqda. Faqat bir kunda 150 dan ortiq ko‘ngilli keldi», deb yozadi Koval Telegram-kanalida. Ukraina Qurolli kuchlari Kiyev viloyatining Belarus bilan chegaradosh shimoliy hududlarini ham minalashtirib qo‘yishdi.

Amerika urushni o‘rganish instituti (ISW) tahlilchilarining ta’kidlashicha, Ukraina uchun Rossiya armiyasining shimoldan hujum qilishi eng xavfli ssenariydir. Biroq, ularning fikriga ko‘ra, yaqin kelajakda ehtimoldan yiroq. Hozircha Belarusdagi rus kuchlari tezkor zarba berish guruhi uchun zarur bo‘lgan qo‘mondonlik va nazorat tuzilmalarini o‘rnatgani haqida hech qanday dalil yo‘q. Shunga qaramay, Ukraina Qurolli kuchlari hujum sodir bo‘lgan taqdirda shimoliy chegaraga harbiy qismlarni olib chiqishga majbur, dedi Ukrainaning Buyuk Britaniyadagi elchisi Vadim Pristayko Sky News telekanaliga bergan intervyusida.

Oktabr oyida Belarus rahbari Aleksandr Lukashenko va Rossiya prezidenti Vladimir Putin qo‘shinlarning qo‘shma mintaqaviy guruhini tuzishga kelishib oldilar. Shundan so‘ng Rossiya Belarusga texnika va qo‘shinlarni topshirishni boshladi. ISW tahlilchilarining yozishicha, 2023 yilda Rossiya Belarusdagi harbiy ishtirokini rejalashtirilgan "G‘arb-2023" va "Ittifoq qalqoni-2023" mashqlari oldidan kengaytirishi mumkin. “Zamin”ni Telegramʻda oʻqing!