Ronaldu: "Amorim moʻjizalar yaratolmaydi"
Krishtianu Ronaldu "Manchester Yunayted"ning so'nggi yillardagi muammolari faqat futbolchilar va murabbiylar bilan bog'liq emasligini aytib, Ruben Amorimni qo'llab-quvvatladi. U Amorim qo'lidan kelgan barcha ishni qilayotganini, ammo mo'jizalar yaratolmasligini ta'kidladi. Ronaldu jamoada yaxshi futbolchilar borligini, lekin ayrimlari hatto "Manchester Yunayted" nima ekanini tushunmasligini bildirdi.
Krishtianu Ronaldu soʻnggi yillardagi "Manchester Yunayted"ning muammolari faqat futbolchilar va murabbiylar bilan bogʻliq emasligini taʼkidladi. Mashhur hujumchi vatandoshi Ruben Amorimni qoʻllab-quvvatladi.
Amorim ayni paytda jamoaning bosh murabbiyi sifatida faoliyat olib bormoqda. "Amorim qoʻlidan kelgan barcha ishni bajaryapti.
U nimani qila oladi? Moʻjizalar yaratadimi?
Moʻjizalar imkonsiz. Bizning Portugaliyada aytishadi: "Moʻjizalar faqat Fatimada boʻladi"...
U [Amorim] esa bunday moʻjiza koʻrsatolmaydi. Jamoada yaxshi futbolchilar bor, lekin ayrimlari hatto "Manchester Yunayted" nima ekanini tushunmaydi", — dedi Ronaldu Pirs Morgan bilan intervyusida.
Hafta oxirida "Manchester Yunayted" "Nottingem Forest" bilan durang oʻynadi (2:2). "Qizil iblislar" ayni damda Premer-liga jadvalida sakkizinchi oʻrinni egallab turibdi.
Izohlar 0
…