Afg‘oniston O‘zbekistondan elektrsiz qoldi

Afg‘onistonda kechasi yuz bergan zilzila mamlakat infratuzilmasiga jiddiy zarar yetkazdi. Bu haqda ommaviy axborot vositalari xabar bermoqda.

Ma’lumotlarga ko‘ra, yer qimirlashi natijasida O‘zbekistondan elektr energiyasi yetkazib beriladigan elektr uzatish liniyalari zarar ko‘rgan va natijada bir qator shaharlar elektrsiz qolgan. Mas’ul idoralar uzilishlarni bartaraf etish uchun darhol tiklash ishlarini boshlagan.

Shuni ta’kidlash joizki, Tojikistondan o‘tuvchi elektr liniyalari ham zarar ko‘rgan edi, ammo ular allaqachon tiklanib, ishga tushirilgan. So‘nggi yillarda Afg‘oniston Markaziy Osiyo mamlakatlaridan elektr energiyasi xarid qilishni faol olib bormoqda.

Xususan, O‘zbekiston mamlakatga elektr energiyasi yetkazib beruvchi asosiy davlatlardan biri hisoblanadi. “Zamin”ni Telegramʻda oʻqing!