Turkiyaning Sındırgı hududida 27-oktabr kuni mahalliy vaqt bilan soat 22:48 da (Toshkent vaqti bilan 0:48) 6,1 magnitudali zilzila sodir bo‘ldi. Bu haqda Favqulodda vaziyatlar boshqarmasi (AFAD) xabar berdi.
Zilzila markazi taxminan 6 km chuqurlikda bo‘lgan, yer silkinishlari qo‘shni viloyatlarda ham sezilgan. Turkiya ichki ishlar vaziri Ali Yerlikaya NSosyal platformasida ma’lum qilishicha, zilzila oqibatida uchta bino va bir do‘kon qulagan.
Ichkarida bo‘lganlar muvaffaqiyatli evakuatsiya qilingan. Sog‘liqni saqlash vaziri Kemal Memishog‘lu ma’lumotiga ko‘ra, 19 kishi jabrlangan — asosan vahima va zilzila paytida derazadan sakrash natijasida.
To‘rt nafar jabrlanuvchi allaqachon shifoxonadan chiqarilgan, qolganlarning ahvoli barqaror deb baholanmoqda.
