«Bunyodkor» italiyalik darvozabon Bottini rasman jamoaga qo‘shdi

Toshkentning «Bunyodkor» klubi yangi mavsum oldidan tarkibini mustahkamlashda davom etmoqda. “Qaldirg‘ochlar” bu safar Italiyadan darvozabon olib keldi — Federiko Botti rasman jamoa futbolchisiga aylandi. Bu haqda klub matbuot xizmati ma’lum qildi.

Klub bergan bayonotda yangi transferga alohida urg‘u berilgan:

— Federiko Botti — bizning «qaldirg‘och». Antaliyadagi o‘quv-yig‘in davomida tarkibimizga xorijdan futbolchi kelib qo‘shildi. Italiyalik Federiko Botti 2026 yilgi mavsumda «Bunyodkor» sharafini himoya qiladi. Umid qilamizki, Federiko darvozamizni ishonchli qo‘riqlab, jamoamizning g‘alabalariga katta hissa qo‘shadi, — deyiladi xabarda.

Qisqasi, «Bunyodkor»ning Antaliyadagi yig‘ini “shunchaki mashg‘ulot” emas — real tarkibiy yangilanishlar maydoniga aylanyapti. Italiyalik darvozabonning qo‘shilishi esa raqobatni oshirishi va himoya chizig‘iga xotirjamlik olib kelishi mumkin.

Eslatib o‘tamiz, bundan avval ham klub yana bir transferni e’lon qilgan — Shahboz Umarov “qaldirg‘ochlar” safiga qo‘shilgani ma’lum qilingan edi.

Ma’lumot uchun:

Federiko Botti

• Tug‘ilgan sanasi: 20 iyun, 2002 yil
• Fuqaroligi: Italiya
• Ampluasi: darvozabon

Endi eng qizig‘i — Botti haqiqatan ham “№1”ga aylanadimi yoki o‘rin uchun qattiq kurash bo‘ladimi. Mavsum boshlansa, hammasi joyiga tushadi.