Tojikistonda aralash jang san’ati (MMA) bo‘yicha 15 yoshli jahon chempioni Muhammadali Sa’dulloevning hayoti tragik tarzda yakunlandi. Hodisa Kulob shahridagi internet-kafelardan birida 11 yanvardan 12 yanvarga o‘tar kechasi sodir bo‘lgan.
Ma’lumotlarga ko‘ra, mojaro vaqtida Sa’dulloev ko‘kragiga pichoq bilan zarba olib, darhol halok bo‘lgan. Shuningdek, ushbu janjalda yana ikki kishi jarohatlanib, shifoxonaga yotqizilgan.
Huquqni muhofaza qiluvchi organlar hozirda ikki gumonlanuvchini qo‘lga olgan va tergov jarayoni davom etmoqda.
Muhammadali Sa’dulloev 2024 yilda o‘z yosh toifasida jahon chempioni bo‘lgan, 2025 yilda esa Tojikiston chempioni unvonini qo‘lga kiritgan edi. Yosh sportchining fojiali halokati mamlakatda sport jamoatchiligi va jamiyat orasida chuqur qayg‘u uyg‘otdi.
“Zamin”ni Telegramʻda oʻqing!
