Bugun, 13 yanvar kuni Prezident Shavkat Mirziyoyev raisligida Prezident huzuridagi Xavfsizlik kengashining kengaytirilgan yig‘ilishi o‘tkazilishi rejalashtirilgan. Shuningdek, davlat rahbari Mudofaa vazirligi tizimidagi ayrim obyektlar faoliyati bilan tanishishi ham ko‘zda tutilgan.
Ma’lumotlarga ko‘ra, kun tartibidan mamlakat xavfsizligi va mudofaa yo‘nalishidagi masalalar o‘rin olishi kutilmoqda. Bunday formatdagi kengaytirilgan yig‘ilishlar odatda milliy armiyani rivojlantirish, qo‘shinlar faoliyatini boshqarish va muvofiqlashtirish, shuningdek belgilangan amaliy vazifalar ijrosini tahlil qilishga qaratilgan bo‘ladi.
Shu kuni prezidentning Mudofaa vazirligi tizimidagi obyektlarga tashrifi doirasida esa joylardagi sharoit, infratuzilma, amalga oshirilayotgan ishlar va rejalar yuzasidan axborot taqdim etilishi mumkin.
Qayd etish joiz, xavfsizlik va mudofaa masalalariga bag‘ishlangan shunday tadbirlar ko‘pincha Vatan himoyachilari kuni arafasida o‘tkazilib kelinadi.
Qisqasi, bugungi yig‘ilish — “oddiy protokol” emas: xavfsizlik degani har bir xonadonning xotirjamligi. Yangiliklar rasmiylashsa, eng muhim qarorlar va topshiriqlar ham aniqlashib boradi.
“Zamin”ni Telegramʻda oʻqing!
