Tabiiy meva va sabzavotlar organizm uchun vitaminlar zaxirasi hisoblanadi. Bahorning ilk kunlarida qanday turdagi mahsulotlarni iste’mol qilish lozimligi haqida so‘z yuritamiz.
Selderey
Foto: Amazing garden
Fevral oyida yetishtirilgan seldereyning bargi va poyasini ko‘plab turdagi taomlar — smuzi, salat, sho‘rva va sous bilan qo‘llash mumkin. Seldereyni olimlar yoshartiruvchi sabzavot deb atashadi, chunki uning barglarida qarish jarayonini sekinlashtiruvchi va o‘ziga xos oqsil — kollagenni rag‘batlantiruvchi C vitamini mavjud.
Sitrus mevalari
Foto: Vsegda pomnim
Limon, apelsin, mandarin, greypfrut kabi mevalar foydaliligi, shifobaxshligi va ta’mi jihatidan birinchi o‘rinda turadi. Ular tarkibida shakar (1 – 2 dan 15 foizgacha), limon kislotasi (0,9 – 8 foiz) pektin, A,B,C va boshqa vitaminlar ko‘p. Sitrus mevalari bahor faslida immunitet susayishi bilan faol kurashadi.
Daykon (yaponcha turp)
Foto: Agromagistral
Fevral, mart oylarida daykonni ham pishgan, ham xom holida iste’mol qilish mumkin. Daykon o‘zida juda ko‘p miqdorda biriktiruvchi to‘qima va C guruh vitamini saqlaydi. U kraxmal saqlovchi taomlarni yaxshi hazm qilinishiga yordam beradi. Shu sabab ham kartoshkali taomlar pishirganda daykondan salatlar tayyorlash tavsiya etiladi.
Kivi
Foto: Dzen
Kivi C vitamini miqdori bo‘yicha rekordchilardan biri — 100 gramm meva 4 kunlik normani tashkil qiladi. C vitamini kuchli tabiiy antioksidantdir. Shu sababli kivi — bahorda immunitet tushishini oldini olishda eng foydali meva.
Ctrl
Enter
Xato topdIngizmi
Iborani ajratib Ctrl+Enter tugmasini bosingMavzuga oid yangiliklar
