Баҳорнинг илк кунларида таомномангизга киритиш тавсия этиладиган маҳсулотлар

Табиий мева ва сабзавотлар организм учун витаминлар захираси ҳисобланади. Баҳорнинг илк кунларида қандай турдаги маҳсулотларни истеъмол қилиш лозимлиги ҳақида сўз юритамиз.

Селдерей

^{Фото: Amazing garden}
Февраль ойида етиштирилган селдерейнинг барги ва поясини кўплаб турдаги таомлар — смузи, салат, шўрва ва соус билан қўллаш мумкин. Селдерейни олимлар ёшартирувчи сабзавот деб аташади, чунки унинг баргларида қариш жараёнини секинлаштирувчи ва ўзига хос оқсил — коллагенни рағбатлантирувчи C витамини мавжуд.

Цитрус мевалари

^{Фото: Всегда помним}
Лимон, апельсин, мандарин, грейпфрут каби мевалар фойдалилиги, шифобахшлиги ва таъми жиҳатидан биринчи ўринда туради. Улар таркибида шакар (1 – 2 дан 15 фоизгача), лимон кислотаси (0,9 – 8 фоиз) пектин, А,B,C ва бошқа витаминлар кўп. Цитрус мевалари баҳор фаслида иммунитет сусайиши билан фаол курашади.

Дайкон (японча турп)

^{Фото: Агромагистрал}
Февраль, март ойларида дайконни ҳам пишган, ҳам хом ҳолида истеъмол қилиш мумкин. Дайкон ўзида жуда кўп миқдорда бириктирувчи тўқима ва C гуруҳ витамини сақлайди. У крахмал сақловчи таомларни яхши ҳазм қилинишига ёрдам беради. Шу сабаб ҳам картошкали таомлар пиширганда дайкондан салатлар тайёрлаш тавсия этилади.

Киви

^{Фото: Дзен}
Киви C витамини миқдори бўйича рекордчилардан бири — 100 грамм мева 4 кунлик нормани ташкил қилади. C витамини кучли табиий антиоксидантдир. Шу сабабли киви — баҳорда иммунитет тушишини олдини олишда энг фойдали мева. “Замин” янгиликларини “Youtube”да кузатиб боринг