Ba’zan ozish uchun kerakli barcha harakatlarni — kam va tez-tez ovqatlanish, sport bilan shug‘ullanish kabilarni bajarsangiz ham tarozi pallasida o‘zgarish sezilmaydi. Quyida bunday holatga sabab bo‘ladigan omillar va ortiqcha vazndan xalos bo‘lishda yo‘l qo‘yiladigan xatoliklar haqida so‘z boradi.
Foto: iStock
Nima sababdan ozish uchun harakatlar besamar bo‘ladi?
Kaloriyalarni noto‘g‘ri hisoblash. Kunlik kaloriya miqdorini hisoblab chiqsak-da, ba’zan yengil tamaddilar haqida unutib qo‘yamiz: kun davomida ozgina miqdorda yeyilgan yong‘oqlar, quritilgan meva yoki turli gazaklar kaloriyasi hisoblanmaydi va natijada ozish jarayoni juda sekin kechadi.
Yetarli miqdorda suv ichmaslik. Suv yengil ochlikni bartaraf etadi, organizmdan toksinlarni chiqaradi va metabolizmni yaxshilaydi.
Taomnomada sho‘r ovqatlar bo‘lishi. Tuz organizmda ortiqcha suvni ushlab turadi va ozishga to‘siq bo‘ladi.
O‘ta kuchli parhez. Metabolizm jarayoni me’yorda ishlashi uchun inson tanasi har kuni ma’lum miqdorda kaloriya iste’mol qilishi kerak. Ochlik va murakkab parhezlar metabolizmni sekinlashtiradi.
To‘qimalar almashinuvi jarayoni. Foydali parhez tutish va ozish vaqtida tanadagi yog‘ to‘qimalari mushak to‘qimasiga aylana boshlaydi. Bu vaqtda ham tarozidagi og‘irlik ko‘rsatkichi o‘zgarmasligi mumkin.
Tarozi siz istagan vaznni ko‘rsatmasa nima qilish lozim?
Foto: Pinterest
- Metabolizmni tezlashtirish va organizmda zararli toksinlarni tezroq chiqarib tashlash uchun ko‘proq suv iching.
- Kunlik kaloriya miqdori oshib ketmasligi uchun oziq-ovqat kundaligi tuting.
- Kardiomashqlar — velosipedda uchish, suzish va yugurish kabilarni bajaring.
- Kundalik parhez va taomnomani qayta ko‘rib chiqing.
Kembrij universiteti olimlari tomonidan olib borilgan tadqiqotlarga ko‘ra, bizning ortiqcha vaznga moyilligimiz ko‘p jihatdan ota-onamizdan meros bo‘lgan genlarga ham bog‘liq. Ota-onada ortiqcha vazn kuzatilsa, katta ehtimol bilan farzandlar ham semizlikka moyil bo‘ladi.
Diyetolog mutaxassislar fikricha, har kuni vaznni o‘lchash va qisqa muddatda natija ko‘rishni istash motivatsiyaning so‘nishiga olib keladi. Kutilgan natijani ko‘rmaslik insonda ozishga bo‘lgan harakatni to‘xtatib qo‘yadi. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Migrantlarni Rossiyadan chiqarib yuborishning yangi tartibi taklif etildi
Moskva aeroportlarida 1000 ga yaqin tojikistonlik qolib ketdi
Murzoyev: "Qaysidir ma’noda baribir Indoneziya qulayroq raqib, biz musobaqa favoritimiz"
Istanbulda kuchli zilzila yuz berishi aytildi
17 yoshli hindistonlik Dommaraju jahon shaxmat toji uchun kurashadi
Futzal. Eron 13 karra Osiyo chempionligini qo‘lga kiritdi
O‘zbekistonda uy-joy va avtomobillar oldi-sotdisi naqd pulsiz shaklga o‘tkazilishi mumkin
“Bayer” yangi asrning yangi rekordini o‘rnatdi
