So‘nggi yillarda dunyoda qishloq xo‘jaligi uchun foydalaniladigan maydonlar asta-sekin qisqarib bormoqda. Mutaxassislarning aytishicha, yer kengayishi o‘tgan asr oxirida eng yuqori darajaga yetgan, hozir esa aksincha, tabiiy hududlar qayta tiklanmoqda.
Bunga texnologiyalar sabab bo‘lmoqda. Yangi urug‘lar, o‘g‘itlar va sug‘orish usullari dehqonlarga hosildorlikni oshirish imkonini berdi. Bundan tashqari, paxta, shakar yoki kofe kabi mahsulotlarning sun’iy muqobillari ishlab chiqarilmoqda. Natijada ayrim ekin maydonlariga ehtiyoj kamaydi.
Bu jarayon ijobiy natijalar keltirmoqda: sobiq yaylov va dalalar o‘rnida qo‘riqxona va o‘rmonlar tiklanmoqda, yovvoyi hayvonlar esa avvalgi hududlariga qaytmoqda. Lekin ayrim salbiy tomonlari ham bor – sun’iy mahsulotlar plastik chiqindilarni ko‘paytirishi va energiyaga qaramlikni kuchaytirishi mumkin.
Mutaxassislar bu o‘zgarishlarni muhim deb biladi. Ularning fikricha, qishloq xo‘jaligi maydonlarining qisqarishi iqlim o‘zgarishiga qarshi kurash va biologik xilma-xillikni asrash uchun zarur.
“Zamin”ni Telegramʻda oʻqing!
