Olti oy davomida un mahsulotlari iste'mol qilinmagan organizmda qanday oʻzgarishlar boʻladi?

^{Foto: iStock}
Non, makaron, pechene, keks va shu kabi pishiriqlar tufayli koʻplab insonlar ortiqcha vaznga ega. Ammo bunga asosiy sabab nafaqat un va uning yuqori kaloriyasida, balki un bilan birga tayyorlangan mahsulotlardadir. Chunki non mahsulotlari va undan tayyorlanadigan shirinliklar asosan yogʻ, margarin, shakar kabi zararli tarkibga ega. Qolaversa, 100 gramm oq unda 342 kilokaloriya mavjud.

Quyida 6 oy vaqt ichida undan tayyorlangan pishiriqlar va nonlarni iste'mol qilmaslik qanday natijalarga olib kelishi haqida soʻz boradi.

Vazn kamayadi, energiya oshadi

Yarim yil davomida sogʻlom odam un mahsulotlarini cheklasa, 3 kg dan 10 kg gacha ortiqcha vazndan xalos boʻladi. Bunga sabab glyuten moddasidir. Glyuten bugʻdoy, arpa va javdar kabilar tarkibida mavjud boʻlgan oqsil turidir. Ichak mikroflorasi jiddiy shikastlanganda hamda ichak shilliq qavatining oʻtkazuvchanligi buzilganda glyuten moddasiga sezuvchanlik paydo boʻlishi mumkin.

Ichaklar tarkibida glyuten boʻlgan mahsulotlarni hazm qilishda qiynaladi. Bu glyutenga qarshi reaktsiya koʻrsatuvchi organizmlarda yuzaga keladi. Glyutenga sezuvchanlikni parhez orqali davolash mumkin boʻlgan holatdir.

^{Foto: Adobe Stock}
Un mahsulotlarini cheklash parhezi natijasida umumiy salomatlik yaxshilanadi, tanadagi shishlar kamayadi, tana ozadi va energiyaga toʻladi. Jismoniy faollik esa bu jarayon yanada samarali boʻlishiga yordam beradi.

Ammo restoranlar va doʻkonlarda “glyutensiz taomlar”ni izlashda ehtiyot boʻling. Koʻplab glyutensiz mahsulot namunalari me'yordan oshiq miqdorda shakar va tuzni oʻz ichiga olishi mumkin.

Teri va soch holati yaxshilanadi

Agar organizm glyutenga ta'sirchan boʻlsa, bunday dieta yuz terisi va sochlar holatini yaxshilaydi. Chunki goʻzallik va yoshlik ichak mikrobiomi bilan uzviy bogʻliqdir. Bunda foydali bakteriyalar soni koʻpayadi va umumiy salomatlik ham yaxshilanadi.

Spirtli va gazli ichimliklar, chipslar va tezpishar ovqatlar zararli bakteriyalarni “oziqlantiradi”. Shuning uchun glyutenni dietadan chiqarish foydali bakteriyalar koʻpayishiga zamin yaratadi.

Glyutendan voz kechish uchun 4 ta sabab

^{Foto: Shutterstock}
1-sabab — tana ortiqcha vazndan qutulishi osonlashadi, turli xildagi foydali mahsulotlarni ratsionga qoʻshish orqali organizm ozuqa moddalariga toʻyinadi;

2-sabab — tana jigʻildon qaynashi, charchoq, qorin dam boʻlishi, qabziyat kabilardan xalos boʻladi;

3-sabab — teri koʻrinishi yaxshilanadi, sochlar mustahkamroq boʻladi;

4-sabab — tanadagi turli shishlar kamayadi. “Zamin” yangiliklarini “Telegram”da kuzatib boring