Miya faoliyatini rivojlantirish, xotirani mustahkamlash va diqqatni oshirish faqat kitob o‘qish yoki mashq qilish bilan cheklanmaydi. Kundalik hayotdagi oddiy va zavqli hobbilar ham aqliy faoliyatni jonlantirib, yosh bilan bog‘liq o‘zgarishlarni sekinlashtiradi. Quyida shunday 8 ta foydali mashg‘ulot haqida so‘z boradi.
1.Pazl yig‘ish
Bir qarashda bolalar o‘yinidek tuyulgan pazl yig‘ish aslida miya uchun juda samarali mashqdir. Bu faoliyat vizual fikrlash, mantiqiy tahlil va xotirani rivojlantiradi. Katta yoshdagi odamlar uchun ham pazl yig‘ish stressni kamaytiradi va diqqatni jamlashni o‘rgatadi.
2.Sudoku
Raqamli boshqotirma sifatida tanilgan sudoku diqqat va mantiqiy fikrlash qobiliyatini oshiradi. Umumiy maydonni shunday to‘ldirish talab qilinadiki, raqamlar takrorlanmasin. Bugun sudokuni onlayn tarzda yoki jurnal orqali oson yechim qilish mumkin.
3.Fitnes va harakat
Jismoniy faollik miyaga kislorod yetkazilishini yaxshilaydi. Muntazam yugurish, sayr qilish yoki raqs tushish kabi faoliyatlar miyadagi neyron bog‘lanishlarni mustahkamlaydi. Olimlar haftasiga kamida 150 daqiqa o‘rtacha harakat yoki 75 daqiqa aktiv mashq tavsiya qiladi.
4.Mutolaa — miya uchun ozuqa
Kitob o‘qish miyaning “sport zali” desa bo‘ladi. Ilmiy asarlardan tortib badiiy adabiyotgacha bo‘lgan har qanday o‘qish xotirani saqlaydi, lug‘at zaxirasini boyitadi va fikrlash tezligini oshiradi.
5.Chet til o‘rganish
Yangi til — yangi fikrlash. Ingliz yoki boshqa tillarni o‘rganish orqali odam nafaqat lug‘at, balki miya qobiliyatini ham rivojlantiradi. Til o‘rganish diqqatni oshiradi va ijodiy fikrlashni faollashtiradi.
6.Musiqa asbobini chalish
Gitara, fortepiano yoki nay — qaysi bo‘lishidan qat’i nazar, musiqa asbobini chalish miyaning bir necha sohalarini bir vaqtda faollashtiradi. Bu diqqatni jamlash, yodlash va harakatlarni muvofiqlashtirish qobiliyatini kuchaytiradi.
7.Meditatsiya — ongni tozalovchi amaliyot
Meditatsiya nafaqat ruhiy orom, balki miya uchun ham foydali. U stressni kamaytiradi, diqqatni oshiradi va ichki mutanosiblikni tiklaydi. Kunlik 10-15 daqiqa meditatsiya aqlni toza saqlaydi.
8.Videoo‘yinlar
Tadqiqotlar ko‘rsatishicha, mos o‘yinlar vizual diqqat, reaksiya tezligi va xotirani yaxshilaydi. Ayniqsa strategiya va mantiqka asoslangan o‘yinlar miyani faol ishlatadi.
Shunday qilib, aqliy faoliyatni rivojlantirish uchun qimmat kurslar yoki murakkab usullar kerak emas — faqat qiziqish, doimiylik va ozgina vaqt bo‘lsa bas.
“Zamin”ni Telegramʻda oʻqing!
