Har yili 25 iyul sanasi butun dunyoda «Vaqtsiz Kun» sifatida nishonlanadi. Bu sana qadimgi mayya taqvimining muhim qismi bo‘lib, zamonaviy tilda aytganda — ruhiy qayta tug‘ilish va ongni qayta formatlash kuni hisoblanadi.
«Vaqtsiz Kun» nima?
«Vaqtsiz Kun» — bu vaqt va fazo chegaralaridan tashqaridagi, shunchaki kun emas. Mayya taqvimiga ko‘ra, u yilning oxirgi kuni bilan yangi yil boshlanishi orasidagi ortiqcha, «neytral» sana sifatida qaraladi. Bu kunga 1992 yildan boshlab butun dunyoda alohida e’tibor qaratila boshlandi.
Ushbu kunda insoniyat o‘zining ichki dunyosiga nazar tashlashi, ruhiy yuklardan, o‘tmishdagi ranjishlar va psixologik bloklardan xalos bo‘lishi lozim. Vaqtsiz Kun — kechirim, ma’naviy tozalik va yangilanish kuni hisoblanadi. U insonni o‘zini qayta kashf etish, qayta his qilish, yangi bosqichga tayyorgarlik ko‘rish sari boshlaydi.
O‘zbekistonda ushbu kun qanday o‘tishi mumkin?
Bizda ham bugungi kunni sukut, tafakkur va ruhiy poklanish bilan o‘tkazish juda foydali bo‘lishi mumkin. Zamonaviy hayot shiddatli va chalg‘ituvchi bo‘lgani sababli, inson o‘z qalb ovozini eshitishga vaqt topa olmaydi. 25 iyul esa aynan mana shunday tanaffus olish, chuqur nafas olib, o‘tmishni qo‘yib yuborish, o‘zingizni va hayotingizni qayta baholash uchun benazir imkoniyatdir.
Nima qilish tavsiya etiladi?
-
Kechki payt meditatsiya yoki sukutda o‘tirish;
-
Yil davomida yig‘ilib qolgan ehtiros, alam, afsuslarni yurakdan chiqarish;
-
Doimiy ravishda fikrda to‘siq bo‘lib turgan insonlar bilan kechirim so‘rab yoki kechirib, aloqani poklash;
-
Tabiiy muhitda yurak xotirjamligini his etish;
-
Kelgusi yil rejalarini ko‘rib chiqish.
Haqiqiy o‘zgarish qay yerdan boshlanadi?
«Endi avvalgidek yashashni xohlamayman va xohlay olmayman» degan tuyg‘u ko‘pchilikda paydo bo‘lgan. Bu — o‘zgarishlarga yetaklovchi birinchi belgi. Vaqtsiz Kun ana shu ichki chaqiriqlarga javob berish va yangi ruhiy yo‘lni boshlash uchun eng maqbul paytdir.
“Zamin”ni Telegramʻda oʻqing!
