Barb Shmidt o‘zining shaxsiy shifo topish yo‘lini oilaviy amaliyotga aylantirgan. U va qizi Mishel har kuni ertalab oddiy savollar va niyat orqali his-tuyg‘ularni boshqarish hamda ichki barqarorlikni saqlashni odat qilgan.
Mindbodygreen ma’lumotlariga ko‘ra, Barb 1984 yilda ovqatlanish buzilishiga duch kelib, reabilitatsiya markazida olti haftalik kurs o‘tadi. Bir yil o‘tib, qizi Mishel tug‘iladi va u bolasini nafaqat jismoniy, balki hissiy jihatdan ham sog‘lom tarbiyalashga qaror qiladi. Shundan so‘ng ularning hayotida kundalik marosimlar shakllanib, vaqt o‘tishi bilan barqaror ichki quvvat manbaiga aylangan.
Barb qiziga his-tuyg‘ularini anglash va nomlashni o‘rgatgan. Ular “his-tuyg‘ular jadvali”dan foydalanib, “Bugun o‘zingizni qanday his qilyapsiz?” kabi savollar bilan kunni boshlagan. Vannaxonadagi ko‘zguga yozilgan ilhomlantiruvchi iboralar va iqtiboslar esa yosh Mishelning ishonchi va kuchini oshirgan.
Barbning asosiy g‘oyasi — ertalabki niyatning ta’siri. Uning fikricha, kunni qanday boshlasak, butun kun shunday ruhda o‘tadi. Niyat bu oddiy amal emas, balki o‘zimizga va rivojlanishimizga berilgan har kunlik va’dadir.
Uning ta’kidlashicha, bunday marosimlar bolani og‘riqdan himoya qilish uchun emas, balki uni to‘g‘ri qabul qilishni o‘rgatish uchun zarur. Ota-ona bolaga og‘riqni hayotning tabiiy qismi sifatida qabul qilishni va undan xulosa chiqarishni o‘rgatishi lozim.
“Zamin”ni Telegramʻda oʻqing!
